Əbədi Birlik” Gənclər İctimai Birliyi, Gəncliyə Yardım Fondu, BMT tərəfdaşı Beynəlxalq İnsan Hüquqları Müdafiə komitəsi və Beynəlxalq İnformasiya Agentliyinin birgə təşkilatçılığı ilə Xocalı soyqırımının 32-ci ildönümü ilə bağlı tədbir keçirilib
Tədbirdə Azərbaycan Milli Məclisinin deputatları Elman Nəsirov və Ceyhun Məmmədov, Əbədi Birlik GİB sədri Şahin Əliyev, Gəncliyə Yardım Fondu İctimaiyyətlə əlaqələr departamentinin müdiri Qoşqar Abbas, tarixçi alim Faiq Ələkbərli, qardaş Türkiyənin tanınmış iş adamı Önder Aksoy, Trabzon İş Adamları Platformasının sədri Mustafa Küçükali, Türkiyənin tanınmış iş adamlarından, II Qarabağ müharibəsində misilsiz xidmətlər göstərən Mehmet Akbıyık, Demokratik Cəmiyyət və Qadın Hüquqlarının Müdafiəsi İctimai Birliyinin sədri Mehriban Abdullayeva, Azərbaycan Fudokan Federasiyasının Prezidenti Vüsal Abdullazadə, Prezident Təhlükəsizliyi Xidmətinin polkovniki, Azərbaycan Paurliftinq Federasiyasının Prezidenti Ələddin Əliyev, Prezident Təhlükəsizliyi Xidmətinin polkovniki, Azərbaycan FUDOKAN Federasiyasının vitse-prezidenti Aqil Gözəlov, BMT tərəfdaşı Beynəlxalq İnsan Hüquqları Müdafiə komitəsinin maliyyə departamentinin rəhbəri Firdovsi Ələkbərov, AYB və AJB-nin üzvü, Əbədi Birlik GİB-nin fəxri üzvü Zakir Ağdamlı “Təlimçilik Akdemiyası”-nın təsisçisi, Karyera və Şəxsi İnkişaf üzrə Təlimçi və Mentor Fəxrəddin Abdullayev, II Qarabağ müharibəsi qazisi Xəqani Muradov, Sənət Dünyası Nuru jurnalının təsisçisi Fərqanə Məhyəddinqızı, Pilgrim Education MMC-nin direktoru Aisa Aslanova və fəal gənclər iştirak edib.
Tədbir Azərbaycan və Türkiyə dövlətlərinin himni ilə başlayıb, qonaqların Xocalı Soyqırımı ilə bağlı çıxışları ilə davam edib. Tədbirdə “Əbədi Birlik” GİB-nin Mədəniyyət komitəsinin sədri Cəmilə Məmmədlinin “Azərbaycan” adlı ifası səslənib, rəssam Nizami Huseynovun rəsm sərgisi keçirilib. Xocalı soyqırımı qurbanlarına həsr olunmuş rəsmlər haqqında qonaqlara məlumat verilib. Qonaqlar bildirib ki, təşkil olunmuş bu sərgi çox təsirli olmaqla yanaşı, həm də çox sevindiricidir.
